Islam Times - İran 24 milyon dozadan artıq vaksin idxal edib

İslamTimes: İranın texniki və gömrük məsələləri üzrə müavini Mehrdad Camal Arunaqi bildirib ki, dünənə qədər gömrükdə qeydə alınan son statistikaya əsasən, ölkəyə 24 434 610 doza "Covid-19"a qarşı peyvənd gətirilib.

Onun sözlərinə görə, dünən gətirilən vaksin keçən ilin fevral ayından bəri idxal edilən peyvəndlərin 37-ci partiyası olub və bütün rəsmiyyətlər ən qısa müddətdə tamamlanaraq, Səhiyyə Nazirliyinin nümayəndələrinə təhvil verilib.

Mehrdad Camal Arunaqi qeyd edib ki, hazırda 17 milyon 910 min doza Çin mənşəli 20 partiya "Sinopharm", 2 milyon 911 min 810 doza "Astrazeneca" peyvəndi, 1 milyon 452 min doza İtaliyanın "Covax", 1 milyon 20 min dozada Rusiyanın "Sputnik V" və 125 min doza Hindistanın "Bharat" peyvəndləri İrana idxal edilib. /Eastnews/