Islam Times - İslami Cihad: Qəzzanın mühasirəsi qaldırılmasa, variantlarımız artacaq

İslamTimes: Fələstin İslam Cihad Hərəkatının liderlərindən olan Davud Şəhab, keçidlərlə bağlı mövzuların siyasi məsələlərlə əlaqələndirilməsinin dayandırılmasının vacibliyini vurğulayıb.

Davud Şəhab Anadolu Xəbər Agentliyinə verdiyi müsahibədə bildirib ki, keçidlər sanki işğalçı rejimin əlində Fələstin xalqını cəzalandırmaq üçün bir vasitəyə çevrilib. Onlar sionist rejimin davam edən təcavüzünə Fələstinlilərin hər hansı bir etirazının qarşısını almaq üçün keçidlərdən istifadə edərək təzyiq göstərirlər.

Müqavimət lideri Qəzza zolağının mühasirəsinin 15 ildir davam etməsini xatırldaraq deyib: "İşğalçı rejim Qəzzanın mühasirəsini ləğv etmək öhdəliyini yerinə yetirməsə, o zaman xalqımızın onlara qarşı seçimləri daha da genişlənəcək!"