Suriyanın Dəra əyalətində yüzdən çox qruplaşma üzvü silahlarını orduya təhvil verib

SalamNews SANA-a istinadla xəbər verir ki, son iki gündə Dəra əl-Bələd şəhərində yüzdən çox qruplaşma üzvü silahlarını könüllü şəkildə orduya təhvil veriblər.

Rusiyanın Sülh Mərkəzinin vasitəçiliyi ilə baş tutan razılaşmaya əsasən silahlarını təhvil verən qruplaşma üzvlərindən bölgədə qalmaq istəməyənlər İdlibə gedə biləcəklər.

Dərada qalmaq istəyənlər də öz silahlarını təhvil verdikdən sonra bölgələrində yaşaya biləcəklər.

Qeyd edək ki, Dəra əyaləti 2018-ci ildə oxşar razılaşmanın həyata keçirilməsindən sonra ordunun nəzarətinə keçmişdi.