Islam Times - Pekindən Əfqanıstana 31 milyon dollarlıq yardım

İslamTimes: Çin Xarici İşlər naziri, Pekinin yeni Əfqanıstan hökumətinə 31 milyon dollarlıq yardım göstərməklə yanaşı, bu ölkəyə 3 milyon doza korona vaksini hədiyyə ediləcəyini bildirib.

Əl-Cəzirə xəbər agentliyinin verdiyi məlumata görə, Çin Xarici İşlər naziri Vanq Yi İran, Pakistan, Tacikistan, Özbəkistan və Türkmənistanın xarici işlər nazirləri ilə birgə keçirdiyi görüşdə bildirib ki, rəsmi Pekin Covid-19 vaksini, qış geyimləri də daxil olmaqla Əfqanıstan xalqına təcili yardım göstərmə qərarı qəbul edib. Yardımlara taxıl və dərman preparatları da daxildir.

Son günlərdə Taliban da Əfqanıstanın yenidən qurulması prosesində Pekinin Taliban üçün əsas ticarət ortağı olacağını açıq şəkildə bəyan edib.