Islam Times - HƏMAS İsrailin Qəzzaya hücumuna münasibət bildirdi

İslamTimes: HƏMAS-ın sözçüsü Fövzi Bərhum İsrail rejiminin Qəzzaya hücumları ilə bağlı açıqlama verib.

Bərhum "İsrail, xüsusən də sonuncu "Qüds Qılıncı" döyüşündə məğlub olmasından sonra, Qəzzaya hava hücumları təşkil edərək, yəhudiləşdirmə və məskunlaşma layihələrini artıraraq içərisində yaşadığı böhranı ixrac etməyə çalışır", - deyə dəyərləndirmə edib.
Bərhum qeyd etdi ki, İsrail "cinayətlərinə cavab olaraq müqavimətin zorla tətbiq etdiyi öhdəçilik qaydalarını dəyişdirə bilməyəcək" və Fələstin müqavimətinin baş verə biləcək daimi müharibə şəraitində meydanı idarə etməyə davam edəcəyini qeyd edib.
İsrail rejimi döyüş təyyarələri gecə saatlarında Qəzza zolağına hava zərbələri endirmişdi. /Eastnews/