İsrail rejimi həbsxanadan qaçmış əsirlərin girov götürülmüş qardaşlarını azad etdi
Story Code : 953979
Deyerler.org Rasthaber-ə istinasdən xəbər verir ki, Fələstinli Əsirlər Cəmiyyətinin açıqlamasına görə, İordan çayının qərb sahilinin şimalındakı Səlim Məhkəməsi həbsxanadan qaçan fələstinlilər Əyhəm Fuad Mahmud Abdullah Əl-Arıdanın qardaşı Rəddad və Məhəmməd Əl-Arıdanın qardaşı Basimi azadlığa buraxıb.
Tutulan əsirlərin qohumu olduğu aşkarlanan və azadlığa buraxılan Nidal Əl-Arıdanın sorğu-sual əsnasında qolunun sındırıldığı qeyd edilib.
Həbsxanadan qaçmış 6 əsirdən 4-ü sionist rejimin qüvvələri tərəfindən həbs edilib.
Qeyd edək ki, 6 fələstinli əsir sentyabrın 6-da səhər saatlarında işğalçı İsrail rejiminin ciddi qorunan Gilboa həbsxanasından tunel qazaraq qaçmışdılar.