QR CodeQR Code

ABŞ dinc sakinləri amansızlıqla öldürülməsini etiraf etdi

18 Sep 2021 03:06

İslamTimes: Pentaqon rəsmisi dinc sakinlərin öldürülməsinə görə Əfqanıstandan üzr istəyib


ABŞ-ın Silahlı Qüvvələrinin Mərkəzi Komandanlığının (CENTCOM) rəhbəri, general Frenk Makkenzi pilotsuz təyyarələrin köməyi ilə Əfqanıstanın paytaxtı Kabildə avtomobilə dinc insanların ölümü ilə nəticələnən hava zərbəsinin endirilməsinin səhv olduğunu etiraf edərək üzr istəyib.

Bu barədə “Report” xarici mətbuata istinadən xəbər verir.

"İndi əminəm ki, 10 dinc sakin, o cümlədən 7 uşaq, bu zərbə ilə faciəli şəkildə öldürülüb", - dinc sakinlərin həlak olması haqqında xəbərlərdən sonra araşdırmanın nəticələri haqqında danışan Makkenzi deyib.

Onun sözlərinə görə, həmçinin avtomobildə öldürülənlərin İŞİD-lə bağlı olması ağlabatan deyil.

Frenk Makkenzi etiraf edib ki, zərbə səhv olub.

"Mən əməliyyata nəzarət etmiş sərkərdə kimi bu zərbəyə və onun faciəli nəticəsinə görə məsuliyyət daşıyıram", - Makkenzi qeyd edib.

General gələcəkdə Əfqanıstanda terrorçulara zərbələr endiriləcəyi təqdirdə ABŞ-ın daha diqqətli və daha uzun müddətli potensialı hədəf seçəcəyini, bu səbəbdən səhvlərin mövcudluğu ehtimalının daha az olacağını vurğulayıb. Makkenzinin sözlərinə görə, Kabilə zərbə endirilməsi məsələsində Əfqanıstanın paytaxtındakı hava limanında insanların təhlükəsizliyi təhlükədə olduğu üçün ordunun sürətli qərar verməsinə ehtiyac olub. "Düzgün nəticələr vermə ehtimalımızın kifayət qədər yüksək olduğu ehtimalına əsaslanaraq hərəkət etdik", - o deyib.

Makkenzi vurğulayıb ki, ABŞ ola bilsin, həlak olanların qohumlarına təzminat ödəyəcək.


Story Code: 954401

News Link :
https://www.islamtimes.org/az/news/954401/abş-dinc-sakinləri-amansızlıqla-öldürülməsini-etiraf-etdi

Islam Times
  https://www.islamtimes.org