"Taliban" rəsmisi: "Əfqanıstan İŞİD-lə mübarizədə ABŞ-ın köməyinə ehtiyac duymur"
Story Code : 958109
APA TASS-a istinadən xəbər verir ki, bunu radikalların nümayəndəsi və Əfqanıstandakı müvəqqəti hökumətdə məlumat və mədəniyyət nazirinin müavini olan Zabiullah Mücahid bildirib.
“Ölkənin müxtəlif bölgələrində İŞİD-i məhv etmək üçün əməliyyatlar davam edir. İŞİD yaraqlılarının bir çoxu məğlub edilib, onların çox vacib gizlənmə yerləri tapılıb və biz onları araşdırırıq”, - deyə Əfqanıstanın “TOLO News” telekanalı Mücahiddən sitat gətirib.
Mücahid bildirib ki, İŞİD Əfqanıstan üçün təhlükə yaratmır və “Taliban” bu qrupla sərbəst mübarizə apara bilir: “İŞİD-lə mübarizədə Əfqanıstan İslam Əmirliyi ABŞ-ın köməyinə ehtiyac duymur”.