Hindistan da Rusiyanın S-400-ləri ilə silahlanır. Pentaqon narahatdır
Story Code : 964172
“Hindistanlı tərəfdaşlarımıza bununla bağlı narahat olduğumuzu açıq şəkildə söylədik. Nazir Yeni Dehliyə səfər edib, biz bu barədə danışdıq və şübhəsiz ki, bundan narahatıq”, - deyə Pentaqonun mətbuat katibi Con Kirbi bildirib.
Noyabrın 14-də Rusiyanın Hindistanı S-400 hava hücumundan müdafiə sistemləri ilə təchiz etməyə başladığı məlum olub. Hərbi-Texniki Əməkdaşlıq üzrə Federal Xidmətin direktoru Dmitri Şuqayevin sözlərinə görə, tədarüklər qrafik üzrə aparılır.
Xatırladaq ki, daha əvvəl ABŞ Türkiyənin Rusiyadan S-400 hava hücumundan müdafiə sistemi almasına etiraz edirdi.