Rusiya və Çin ABŞ-ın rəhbərlik etdiyi Demokratiya Sammitinə qarşı çıxıb

Sputnik xəbər verir ki, Rusiya və Çinin ABŞ-dakı səfirləri "National Interest" jurnalında dərc olunan birgə məqalədə Moskva və Pekinin ABŞ-ın Demokratiya Sammiti keçirmək ideyasını qəti şəkildə rədd etdiyini bildiriblər. Buna səbəb isə uyğun sammitin beynəlxalq müstəvidə müasir dünyanın inkişafına zidd olan yeni çatlar yaranmasına yol açmasıdır!”

ABŞ dekabrın 9-10-da keçiriləcək Demokratiya Sammitinə dəvət olunmuş 110 ölkənin siyahısını açıqlayıb. Bundan sonra Rusiya və Çinin iclasa dəvət edilmədiyi məlum olub.

Qeyd edək ki, Azərbaycanın da adı "Demokratiya Sammiti"nə dəvət olunmayan azsaylı ölkələr arasında yer alır.