ABŞ-da 3 mindən çox insanın olduğu gəmidə koronavirus aşkarlanıb

Bu barədə "Report" “Associated Press”ə istinadən xəbər verir.

Yeni Orleana gedən səyahət gəmisinin göyərtəsində olan 10 nəfərə koronavirus infeksiyası diaqnozu qoyulub.

Ümumilikdə gəminin göyərtəsində 3 mindən çox insan var.

Bütün sərnişinlərdən koronavirus testindən keçmələri tələb olunacaq.

2020-ci ilin aprel ayında Naqasaki limanında Yaponiyanın "Costa Atlantica" səyahət gəmisində 150-yə yaxın insan COVID-19-a yoluxmuşdu.