Islam Times - ABŞ kəşfiyyatı iş üsullarını dəyişir

İslamTimes: ABŞ Mərkəzi Kəşfiyyat İdarəsi Rusiya və Çinə diqqət yetirmək üçün kəşfiyyat təlimi və təhsilini yenidən müəyyənləşdirir. Bu barədə CNN vəziyyətlə tanış olan mənbələrə istinadən xəbər verir.

Kanalın qeyd etdiyi kimi, ABŞ-ın bir çox keçmiş kəşfiyyatçıları “mürəkkəb” dövlətlər, xüsusən də Çin haqqında kəşfiyyat məlumatlarının toplanması üçün lazım olan ənənəvi “sakit” fəaliyyətə qayıtmağın zəruriliyindən danışırlar.

Mənbələrə görə, bu dəyişiklik Mərkəzi Kəşfiyyat İdarəsinin ABŞ-dan çox-çox uzaqlarda, xüsusən də Çinin sərmayələrini aktiv şəkildə yönləndirdiyi Qərbi Afrikada yaxşı kəşfiyyat işini təmin etməyə imkan verəcək. İdarəetmə fəaliyyətini təkmilləşdirmək üçün zabitlər konkret coğrafi region üçün ixtisaslarına uyğun təlim keçəcəklər. Yerli dillərin öyrənilməsinə, eləcə də kəşfiyyatçının uzunmüddətli perspektivdə qarşılaşa biləcəyi konkret problemlərin həllinə xüsusi diqqət yetiriləcək.

Bundan əlavə, idarə daha çox mandarin dilində danışanları (Çin dilinin ən çox yayılmış dialekti) cəlb etmək, texnologiyaya sərmayə qoymaq və insanlar haqqında məlumat toplamağa diqqət yetirmək niyyətindədir. /Virtualaz/