Islam Times - Səfirlik: İran "3+3" formatında əməkdaşlığı dəstəkləyir

İslamTimes: Moskvada "3+3" formatı adlanan ilk regional əməkdaşlıq görüşü keçirilib.

APA-nın İranın Azərbaycandakı səfirliyinə istinadən verdiyi məlumata görə, görüşdə İran adından iştirak edən xarici işlər nazirinin köməkçisi və Xarici İşlər Nazirliyinin Avrasiya üzrə baş direktoru Əlirza Həqiqiyan çıxışında regional, xüsusilə iqtisadi, ticarət, nəqliyyat, tranzit və digər sahələrdə əməkdaşlığı, həmçinin ölkələr arasında "3+3" formatında əməkdaşlığı dəstəkləyərək bildirib ki, İran İslam Respublikası "3+3" formatının formalaşmasının təşəbbüskarlarından biridir.

Həqiqiyan əlavə edib ki, bu format region ölkələri tərəfindən regiondaxili problemlər, çağırışlar və mübahisələrin həllinə əsaslanan İranın regional siyasətlərinə uyğundur.

Xarici işlər nazirinin köməkçisi və Xarici İşlər Nazirliyinin Avrasiya üzrə baş direktoru xüsusilə ticarət, iqtisadiyyat, nəqliyyat və tranzit sahələrində regional əməkdaşlığı regionun inkişafı və çiçəklənməsinə, eləcə də regionda davamlı sülh və sabitliyin bərqərar olmasına mühüm töhfə kimi qiymətləndirib.

Həqiqiyan bu görüşdə qeyd olunan formatda əməkdaşlığı dəstəkləyib.

Gürcüstan nümayəndəsi görüşdə iştirak etməyib.