Islam Times - Blinken ABŞ və Çin arasındakı mümkün konflikti fəlakət adlandırdı

İslamTimes: ABŞ Çinlə olan ziddiyyətlərin mümkün konfliktə çevrilməsinə qətiyyən yol vermək istəmir.

Məlumata əsasən, bunu ABŞ-ın Dövlət katibi Entoni Blinken deyib.

O əlavə edib ki, belə bir konfliktin nəticəsi hər 2 tərəf üçün fəlakət ola bilər “Prezident Cozef Bayden və Çin Xalq Respublikasının Sədri Si Cinpin ötən ay bəyan ediblər ki, 2 ölkə arasındakı narazılıqlar konfliktə çevrilməməlidir. Biz bu məsuliyyəti tam ciddi qəbul edirik” deyə Blinken Cakartaya səfəri zamanı qeyd edib.

Qeyd edək ki, rəsmi Pekin və Vaşinqton arasında münasibətlər Donald Tramp dövründə kəskin pisləşib. /Eastnews/