QR Code

Nyu-Yorkun polis rəisi qadın ola bilər

16 Dec 2021 08:51

İslamTimes: Yaxın günlərdə vəzifəsinin icrasına başlayacaq Nyu-York meri Erik Adam şəhərin polis rəisi postuna bir qadını təyin etmək niyyətindədir.

APA-nın "New York Post"a istinadla xəbərinə görə, 49 yaşlı Kişan Sevel şəhərin tarixində ilk qadın polis rəisi olacaq.

Qəzet yazır ki, Sevel həm də bu postda üçüncü qaradərili olacaq. Erik Adam isə ABŞ tarixinə Nyu-Yorkun ikinci qaradərili meri kimi düşəcək. Sevel və Adam vəzifələrinin icrasına yanvarın 1-də başlayacaqlar.

Kişan Sevel hazırda Nyu-York polisində istintaq qrupunun rəhbəri postunu tutur. Pandemiya başlayandan şəhərdə cinayətkarlıq artıb. 9 milyon nəfər əhalisi olan şəhərdə 35 min polis əməkdaşı xidmət aparır.

Story Code: 968739