İraq bütün əcnəbi döyüş qüvvələrinin ölkə ərazisini tərk etdiyini bildirib
Story Code : 969884
SalamNews İraqın dövlət xəbər agentliyinə istinadla xəbər verir ki, bu barədə Müdafiə Nazirliyi bəyanat verib.
İraq Ordusunun Birgə Əməliyyatlar Komandanlığı elan edib ki, artıq ölkədə digər dövlətlərin hərbi-döyüş qüvvələri qalmayıb.
Əlavə edilib ki, ölkədə digər dövlətlərin yalnız məhdud sayda hərbi müşavir və məsləhətçiləri qalıb.
İraq Ordusu ötən gün elan edib ki, ABŞ qüvvələrinin nəzarətində olan Eynul-Əsəd bazası və həmçinin Ərbildə əl-Hərir bazası artıq yerli qüvvələrin nəzarətindədir.
Xatırladaq ki, ABŞ 2020-ci ilin yanvar ayında Qasim Süleymanini və Əbu-Mehdi əl-Mühəndisi terror etdikdən sonra İraq Parlamenti əcnəbi qüvvələrin ölkədən çıxmasına səs vermişdi.