Islam Times - Yəmən: Səudiyyə rejiminin tibb mərkəzlərinə hücumü cinayətdir!

İslamTimes: Yəmənin Milli Qurtuluş Hökuməti rəsmiləri Səudiyyə koalisiyasının Yəmənin paytaxtı Səna şəhərində təhsil ocaqları, xəstəxanalar və tibb mərkəzlərinə hücumlarını tənqid ediblər.

"Əl-Məsirə"-nin məlumatına görə, Yəmənin Humanitar Məsələlər üzrə Ali Şurasının sözçüsü Tələt əl-Şərcəbi bildirib ki, Səudiyyə koalisiyasının tam məlumatlı şəkildə bir neçə səhiyyə mərkəzinin yerləşdiyi izdihamlı bölgəyə hücumu, Yəmən xalqına daha artıq əzab vermək üçün törədilən hərbi cinayətdir!

O əlavə edib: “Səudiyyə koalisiyası Sənaya hücumları gücləndirdiyi üçün əksər qurumlar yoxsullara, Yəmən xəstəxanalarına xidmət üçün humanitar proqramları məhdudlaşdırıb. Biz bu məsələ ilə əlaqədar şikayət etmişik.”