ABŞ-ın rəhbərlik etdiyi koalisiya İraqda heç bir hərbi-döyüş qüvvələrinin qalmadığını bildirib
Story Code : 970523
SalamNews xəbər verir ki, bu barədə ABŞ-ın rəhbərlik etdiyi “İŞİD-ə qarşı koalisiya” rəsmi tvitter səhifəsi üzərindən bəyanat verib.
Bildirilib ki, cari dekabr ayının əvvəlindən bütün hərbi-döyüş qüvvələri İraqdan çıxarılıb.
Bundan öncə İraq Ordusunun Birgə Əməliyyatlar Komandanlığı elan edib ki, artıq ölkədə digər dövlətlərin hərbi-döyüş qüvvələri qalmayıb.
İraq Ordusu əlavə edib ki, ölkədə digər dövlətlərin yalnız məhdud sayda hərbi müşavir və məsləhətçiləri qalıb.
Xatırladaq ki, ABŞ 2020-ci ilin yanvar ayında Qasim Süleymanini və Əbu-Mehdi əl-Mühəndisi terror etdikdən sonra İraq Parlamenti əcnəbi qüvvələrin ölkədən çıxmasına səs vermişdi.