Sənada məscid bombalandı, namaz qılan 3 nəfər şəhadətə çatdı

Əl-Məyadin şəbəkəsinin məlumatına görə, sübh vaxtı həyata keçirilən amansız hücumda məscid hədəf alınıb və 3 dindar şəhid edilib. Səudiyyə koalisiyası dəfələrlə yalnız hərbi bazaları hədəf aldığını iddia etsə də əslində daim mülki əhalini bombalayır.

Səbanet Xəbər Agentliyi həmçinin bildirib ki, Səudiyyə ordusu qırıcıları Yəmənin paytaxtı Sənanı daha sonra iki dəfə də bombalayıb. Bu iki hücumda Moin ərazisindəki Əsr məhəlləsi hədəfə alınıb.

Səudiyyə Ərəbistanının Əl-Raqo bölgəsi, Səudiyyə sərhədi yaxınlığındakı Səde əyaləti və digər ərazilərə artilleriya hücumları nəticəsində daha 5 nəfər ölüb, 12 nəfər yaralanıb. Son 24 saat ərzində Səudiyyə qırıcıları Yəmənin üç vilayətini 39 dəfə bombalayıb.