Karter: ABŞ uçurumun kənarındadır, məhv ola bilər!

Axar.az xəbər verir ki, bu sözləri ABŞ-ın 97 yaşlı keçmiş prezidenti Cimmi Karter “Nyu York Tayms” üçün qələmə aldığı məqaləsində yazıb.

“Vicdansız siyasətçilərin başçılıq etdiyi qəzəbli kütlə Kapitoliyə basqın etdi və hakimiyyətin demokratik yolla ötürülməsinin qarşısını almağı demək olar ki, bacardı”, - deyə Karter ötən il baş verən hadisələri xatırladıb.

Sabiq prezident aparılmış sorğu nəticələrindən birini misal gətirərək göstərib ki, amerikalıların 36 faizi “amerikan həyat tərzini xilas etmək üçün” ABŞ-ın güc tətbiq etməli olduğuna inanır:

“Bu, demokratiyaya təhlükədir. Amerikalılar fundamental qanun və konstitusion prinsiplərə sadiq qalmalıdır”.