Islam Times - Qazaxıstanda etirazçılara 2 minə yaxın cinayət işi

İslamTimes: Qazaxıstanın daxili işlər naziri Yerlan Turqumbayev ölkənin bütün bölgələrində həyata keçirilən əməliyyat-profilaktika tədbirlərinin gedişi barədə dövlət başçısına məlumat verib.

Axar.az xəbər verir ki, bu barədə Qazaxıstan Prezident Administrasiyasının mətbuat xidməti məlumat yayıb.

"Nazirliyin məlumatına görə, qanunsuz saxlanılan silah-sursatın müsadirə edilməsi istiqamətində işlər davam etdirilir. Terror, qətl, dövlət məmurlarına qarşı zorakılıq, xuliqanlıq, dövlət binalarına basqın və digər cinayətlər üzrə ümumilikdə 1 822 cinayət işi açılıb, onlardan 116-sı xüsusi səlahiyyətli prokurorluq orqanlarına göndərilib", - məlumatda bildirilir.