Ənsarullah: Koalisiya ölkələrinə hücumlarımız bu zamanadək davam edəcək
إسلام تايمز , 23 Jan 2022 23:17
İslamTimes: Ənsarullah rəsmisi: Səudiyyə koalisiyasına üzv ölkələrə hücumlarımız Yəmənin mühasirəsinə son qoyulanadək davam edəcək
Ənsarullah hərəkatının siyasi bürosunun üzvü Məhəmməd əl-Bəxiti bildirib ki, təcavüzkar Səudiyyə-BƏƏ koalisiyasına üzv ölkələr Yəməndə törətdikləri cinayətləri pərdələmək üçün ictimai fikri yayındırmaq siyasətinə əl atıb.
Məhəmməd əl-Bəxiti deyib:
"Səudiyyə koalisiyası hər məğlubiyyətdən sonra dinc sakinləri bombalayır. Bir çox rejimlərin mövqeyi koalisiya ölkələrinə dəstək vermək, onların cinayətlərini ört-basdır etməkdir."
Bu barədə Ənsarullah rəsmisi əlavə edib:
"Yəmən xalqının müqaviməti ərəb xalqlarının ərəb-islam maraqlarına uyğun hərəkət etmələri üçün ilham mənbəyinə çevriləcək...
Yəmənin internet şəbəkəsinə hücumlar isə Yəməni xarici dünyadan ayırmaq və koalisiyanın cinayətlərini gizləmək üçün atılmış bir addımdır."
Story Code: 975254