İraq Türkiyə ilə bağlı Təhlükəsizlik Şurasına şikayət edib
إسلام تايمز , 18 May 2022 20:31
İslamTimes: İraqın BMT-dəki nümayəndəsi Məhəmməd Hüseyn Bəhr əl-Ulum bu gün Türkiyə ilə bağlı BMT Təhlükəsizlik Şurasına rəsmi şikayət ünvanlayıb
“Al-Maslah” xəbər saytının məlumatına görə, İraq nümayəndəsi Nyu Yorkda BMT Təhlükəsizlik Şurasının iclasında çıxışından sonra bütün türk qoşunlarının İraqı tərk etməsini tələb edib.
Məhəmməd Hüseyn Bəhr əl-Ulum deyib: “Bu saatdan sonra Kürdüstan Fəhlə Partiyasının hücumları Türkiyə qüvvələrinin İraq torpaqlarında olması üçün bəhanə kimi qəbul edilməyəcək”.
“Al-Maslah” vurğulayıb ki, İraqın Birləşmiş Millətlər Təşkilatındakı nümayəndəsi Bağdadın Türkiyə ordusunun İraq daxilində hərəkətləri ilə bağlı rəsmi şikayətini Təhlükəsizlik Şurasına təqdim edib.
Story Code: 994918