Təhrir əl-Şam lideri Suriyada Türkiyə nümayəndə heyəti ilə görüşüb
إسلام تايمز , 22 May 2022 00:50
İslamTimes: Suriyanın şimal-şərqindəki İdlib əyalətində olan yerli mənbələr Təhrir əş-Şam terror qruplaşmasının lideri Əbu Məhəmməd əl-Culaninin Türkiyə nümayəndə heyəti ilə görüşdüyünü bildirib.
Əl-Məyadin xəbər şəbəkəsi bu mənbələrə istinadən xəbər verir ki, Türkiyə hərbi heyəti ötən cümə axşamı İdlibin şimalındakı Bab əl-Havi keçidindən Suriyaya daxil olub.
Bu mənbələrin məlumatına görə, Türkiyə nümayəndə heyəti maskalı əsgərləri daşıyan 7 maşın iki zirehli texnikadan ibarət konvoyla Suriya ərazisinə keçib.
Mənbələr bildiriblər ki, nümayəndə heyətini Təhrir əl-Şam qarşılayıb. Daha sonra toplantı üçün keçidin yaxınlığındakı binaya üz tutulub. Əl-Culaninin də öncədən həmin binada Türkiyə nümayəndə heyətini gözlədiyi bildirilib.
Story Code: 995465