Islam Times - Lavrov: Qərb münasibətləri bərpa etmək qərarına gəlsə, Rusiya ciddi şəkildə düşünəcək

Lavrov: Qərb münasibətləri bərpa etmək qərarına gəlsə, Rusiya ciddi şəkildə düşünəcək

İslamTimes: Əgər Qərb münasibətlərin bərpası baxımından nəsə təklif etmək istəsə, Rusiya buna ehtiyac olub-olmadığını ciddi düşünəcək.

SalamNews "RİA Novosti”yə istinadən xəbər verir ki, bunu Rusiya Federasiyasının Xarici İşlər naziri Sergey Lavrov bildirib. Nazir Qərbin rusofob mövqe tutmasının sürətinə heyran olduğunu bildirib.

Lavrov hesab edir ki, döyüş meydanında Rusiyanın məğlubiyyətinə “can atanlar” yəqin ki, məktəbdə yaxşı oxumayıblar və Rusiyanın nə olduğunu bilmirlər.

Həmçinin, diplomatın fikrincə, Rusiya ölkənin təhlükəsizliyinə, iqtisadiyyatına və sosial sferasına təsir edən kritik sənayelərin inkişafını təmin etmək üçün Qərb tədarüklərindən asılılığını dayandırmalıdır.

Rusiya XİN başçısı əlavə edib ki, Moskva yalnız özünə və müstəqil siyasət aparan və etibarlılığını sübut edən dövlətlərə arxalanacaq.