?>?>اسلام ٹائمز 12 Jul 2020 گھنٹہ 0:13 https://www.islamtimes.org/ur/news/873896/علی-زیدی-نے-عزیر-بلوچ-کے-ساتھی-حبیب-جان-کی-ویڈیو-جاری-کردی -------------------------------------------------- ٹائٹل : علی زیدی نے عزیر بلوچ کے ساتھی حبیب جان کی ویڈیو جاری کردی -------------------------------------------------- ایک منٹ 57 سیکنڈز کی اس ویڈیو میں اس ویڈیو میں حبیب جان بلوچ کا کہنا ہے کہ 2012ء میں لیاری میں آپریشن کے بعد پیپلز پارٹی نے ایک مرتبہ پھر عزیر جان بلوچ سے رابطہ کیا اور انہیں منانے کے لیے 5 کروڑ روپے ادا کئے گئے۔ جس کے بعد عزیر جان بلوچ پیپلز پارٹی میں شامل ہوئے۔ متن : اسلام ٹائمز۔ وفاقی وزیر علی زیدی نے لیاری گینگ وار کے سرغنہ عزیر بلوچ کے قریبی ساتھی حبیب جان بلوچ کی ایک ویڈیو ٹوئٹر پر شیئر کی ہے جس کے ساتھ ہی انہوں نے دعوی کیا ہے کہ آصف زرداری اور قادر پٹیل ایک بار پھر بےنقاب ہوگئے ہیں۔ وفاقی وزیر علی زیدی نے لیاری گینگ وار کے سرغنہ عزیر بلوچ کے قریبی ساتھی حبیب جان بلوچ کی ایک ویڈیو ٹوئٹر پر شیئر کی ہے۔ ویڈیو کے ساتھ انہوں نے لکھا ہے کہ جرم اور سیاست ایک ساتھ چلتے رہے، آصف زرداری اور قادر پٹیل ایک بار پھر بے نقاب ہوگئے، انہیں حبیب جان نے بےنقاب کردیا، جو سارے معاملے میں شامل تھا۔ ایک منٹ 57 سیکنڈز کی اس ویڈیو میں اس ویڈیو میں حبیب جان بلوچ کا کہنا ہے کہ 2012ء میں لیاری میں آپریشن کے بعد پیپلز پارٹی نے ایک مرتبہ پھر عزیر جان بلوچ سے رابطہ کیا اور انہیں منانے کے لیے 5 کروڑ روپے ادا کئے گئے۔ جس کے بعد عزیر جان بلوچ پیپلز پارٹی میں شامل ہوئے، عزیر بلوچ کی دعوت پر قائم علی شاہ، شرمیلا فاروقی اور فریال تالپور بھی آئے۔ لیاری میاں پولیس افسران کے تبادلوں کے حوالے سے حبیب جان بلوچ نے کہا کہ ایک گروپ کراچی میں بہت سرگرم تھا جو آئی جی سندھ تک کے تبادلے کی طاقت رکھتا تھا، وزارت داخلہ ان کے دروازے پر رحمان ملک کی صورت میں کھڑی رہتی تھی۔