اسلام ٹائمز 6 Dec 2021 گھنٹہ 10:48 https://www.islamtimes.org/ur/news/967100/سیالکوٹ-کیس-کو-منطقی-انجام-تک-پہنچایا-جائے-گا-عثمان-بزدار -------------------------------------------------- ٹائٹل : سیالکوٹ کیس کو منطقی انجام تک پہنچایا جائے گا، عثمان بزدار -------------------------------------------------- وزیراعلیٰ پنجاب کا کہنا تھا کہ سیالکوٹ واقعہ انسانیت پر بدنما داغ ہے، ملوث ملزم قانون کے مطابق عبرتناک سزا کے مستحق ہیں، حکومت انصاف کے تقاضوں کو پورا کرتے ہوئے ظالموں کو قرار واقعی سزا دلائے گی۔ متن : اسلام ٹائمز۔ وزیراعلیٰ پنجاب سردار عثمان بزدار نے کہا ہے حکومت سیالکوٹ واقعہ میں سری لنکا کے ہلاک شہری کے لواحقین کے غم میں برابر کی شریک ہے، واقعہ کے بعد پولیس نے نہ صرف ملوث افراد کو گرفتار کیا بلکہ امن عامہ کی فضا کو بھی یقینی بنایا، کیس میں انصاف ہوتا ہوا نظر آئے گا، آئی جی کوہدایت کی ہے کہ گرفتار افراد کیخلاف قانونی کارروائی جلد مکمل کی جائے۔ انہوں نے کہا جس طرح حکومت نے پنجاب میں دیگر ہائی پروفائل کیسوں کو منطقی انجام تک پہنچایا، سیالکوٹ کیس کو بھی منطقی انجام تک پہنچایا جائے گا، سیالکوٹ واقعہ انسانیت پر بدنما داغ ہے، ملوث ملزم قانون کے مطابق عبرتناک سزا کے مستحق ہیں، حکومت انصاف کے تقاضوں کو پورا کرتے ہوئے ظالموں کو قرار واقعی سزا دلائے گی۔