اسلام ٹائمز 25 Jun 2019 گھنٹہ 13:43 https://www.islamtimes.org/ur/news/801420/ڈاکٹر-قدیر-خان-کی-نظربندی-کیخلاف-درخواست-پر-فیصلہ-محفوظ -------------------------------------------------- ٹائٹل : ڈاکٹر قدیر خان کی نظربندی کیخلاف درخواست پر فیصلہ محفوظ -------------------------------------------------- درخواست گزار کی جانب سے چودھری مدثر ایڈووکیٹ نےموقف اختیار کیا کہ لاہور ہائیکورٹ میں نظر بندی اور نقل و حرکت پر پابندی کیخلاف درخواست زیر سماعت ہے، وہ اپنے کیس کی پیروی کیلئے خود ہائیکورٹ میں پیش ہونا چاہتے ہیں، تاہم حکومت نے گھر میں نظر بند کر رکھا ہے اور نقل و حرکت کی اجازت نہیں دی جا رہی۔ متن : اسلام ٹائمز۔ لاہور ہائیکورٹ میں ممتاز ایٹمی سائنسدان ڈاکٹر عبدالقدیر خان کی اپنے کیس کی پیروی کیلئے خود پیش ہونے کی متفرق درخواست پر سماعت۔ عدالت نے متفرق درخواست پر فیصلہ محفوظ کر لیا۔ چیف جسٹس لاہور ہائیکورٹ جسٹس سردار محمد شمیم نے ڈاکٹر عبدالقدیر خان کی درخواست پر سماعت کی۔ درخواست گزار کی جانب سے چودھری مدثر ایڈووکیٹ نےموقف اختیار کیا کہ لاہور ہائیکورٹ میں نظر بندی اور نقل و حرکت پر پابندی کیخلاف درخواست زیر سماعت ہے، وہ اپنے کیس کی پیروی کیلئے خود ہائیکورٹ میں پیش ہونا چاہتے ہیں، تاہم حکومت نے گھر میں نظر بند کر رکھا ہے اور نقل و حرکت کی اجازت نہیں دی جا رہی۔ وکیل نے استدعا کی کہ عدالت کیس کی پیروی کیلئے ذاتی حیثیت میں پیش ہونے اور نظر بندی ختم کرکے نقل و حرکت کی اجازت دے۔ عدالت نے تمام دلائل سننے کے بعد متفرق درخواست پر فیصلہ محفوظ کرتے ہوئے مرکزی مقدمے میں فریقین کے وکلاء کو 3 جولائی کو بحث کیلئے طلب کر لیا۔