اسلام ٹائمز 24 Nov 2022 گھنٹہ 0:25 https://www.islamtimes.org/ur/news/1026531/ملک-کو-تباہی-سے-بچانے-کا-واحد-حل-فوری-اور-شفاف-الیکشن-ہے-اسد-عمر -------------------------------------------------- ٹائٹل : ملک کو تباہی سے بچانے کا واحد حل فوری اور شفاف الیکشن ہے، اسد عمر -------------------------------------------------- ایک نجی ٹی وی چینل کے پروگرام میں گفتگو کرتے ہوئے پی ٹی آئی کے مرکزی جنرل سیکرٹری کا کہنا تھا کہ حالات اب قابو سے باہر ہو رہے ہیں، ڈالر کو مصنوعی طریقے سے روکنے کی کوشش ہو رہی ہے، برآمدات میں ہر ماہ کمی ہو رہی ہے جبکہ صنعتیں بھی منفی میں جا رہی ہیں۔ متن : اسلام ٹائمز۔ پاکستان تحریک انصاف کے مرکزی جنرل سیکرٹری اسد عمر نے ایک نجی ٹی وی چینل کے پروگرام میں گفتگو کرتے ہوئے کہا کہ ملک میں گذشتہ 7 ماہ میں بڑی تباہی آئی ہے، ملک بدترین معاشی حالات سے گزر رہا ہے۔ انہوں نے کہا کہ حالات اب قابو سے باہر ہو رہے ہیں، ڈالر کو مصنوعی طریقے سے روکنے کی کوشش ہو رہی ہے، برآمدات میں ہر ماہ کمی ہو رہی ہے جبکہ صنعتیں بھی منفی میں جا رہی ہیں۔ اسد عمر کا کہنا تھا کہ ملک کے دیوالیہ ہونے کا خطرہ 5 سے 70 فیصد تک جاچکا ہے، ملک کو تباہی سے بچانے کا واحد حل فوری اور شفاف الیکشن ہے۔ پاکستان تحریک انصاف کے رہنماء اسد عمر نے میڈیا پر پابندیوں پر بات کرتے ہوئے کہا کہ جو میڈیا عوام تک سچائی پہنچاتا ہے، وہ ان کی زد میں ہے، جو حقیقت سامنے رکھے گا، یہ اس کی آواز کو دبانے کیلئے دباؤ ڈالتے ہیں۔