اسلام ٹائمز 3 Oct 2022 گھنٹہ 20:07 https://www.islamtimes.org/ur/news/1017424/پسنی-کوسٹ-گارڈز-کی-کارروائی-بڑی-مقدار-میں-شراب-برآمد -------------------------------------------------- ٹائٹل : پسنی، کوسٹ گارڈز کی کارروائی، بڑی مقدار میں شراب برآمد -------------------------------------------------- ترجمان کے مطابق سرچ آپریشن کے دوران پسنی کے وارڈ 1 میں ببر شور میں ایک مقام پر 2116 شراب کی بوتلیں چھپائی گئی تھیں۔ کوسٹ گارڈز نے ایک شخص کو بھی گرفتار کر لیا ہے۔ پکڑی جانیوالی شراب کی مالیت 90 لاکھ روپے کے لگ بھگ بتائی جا رہی ہے۔ متن : اسلام ٹائمز۔ کوسٹ گارڈز نے بلوچستان میں اسمگلنگ کی شراب کی بڑی مقدار برآمد کر لی ہے۔ ترجمان کوسٹ گارڈز کے مطابق انہیں خفیہ اطلاع ملی تھی کہ پسنی سے بھاری مقدار میں اسمگلنگ کا خدشہ ہے۔ جس پر ڈی جی پاکستان کوسٹ گارڈز نے اسمگلنگ کو روکنے کیلئے چیکنگ میں سختی کرنے کی ہدایات دی تھیں۔ ترجمان کے مطابق سرچ آپریشن کے دوران پسنی کے وارڈ 1 میں ببر شور میں ایک مقام پر 2116 شراب کی بوتلیں چھپائی گئی تھیں۔ کوسٹ گارڈز نے ایک شخص کو بھی گرفتار کر لیا ہے۔ ترجمان نے کہا کہ یہ خدشہ ظاہر کیا جا رہا ہے کہ یہ شراب بلوچستان سے کراچی اسمگل ہونے تھیں۔ پکڑی جانے والی شراب کی مالیت 90 لاکھ روپے کے لگ بھگ بتائی جا رہی ہے۔