اسلام ٹائمز 1 Mar 2020 گھنٹہ 17:42 https://www.islamtimes.org/ur/gallery/847738/1/لاہور-مدافعان-ولایت-کانفرنس-برسی-شہید-نقوی -------------------------------------------------- ٹائٹل : لاہور، مدافعان ولایت کانفرنس، برسی شہید نقوی -------------------------------------------------- مقررین کا کہنا تھا کہ ڈاکٹر محمد علی نقوی نے مبارزانہ زندگی گزاری انہوں نے زندگی کے تمام شعبہ ہائے زندگی میں کارہائے نمایاں انجام دیتے ہوئے پاکستان کے عوام کی بے نظیر خدمت کی، ضرورت اس امر کی ہے کہ شہید نقوی کے افکار پر عمل پیرا ہوکر ملت کی مضبوطی کیلئے کلیدی کردار ادا کیا جائے۔ متن : اسلام ٹائمز۔ سفیر انقلاب شہید ڈاکٹر محمد علی نقوی کی 25ویں برسی کے موقع پر لاہور کے علاقے علی رضا آباد میں مدافعان ولایت کانفرنس منعقد ہوئی، جس میں علامہ احمد اقبال رضوی، ملی یکجہتی کونسل کے ڈپٹی سیکرٹری جنرل ثاقب اکبر، فرزند شہید ڈاکٹر محمد علی نقوی موسیٰ نقوی، علامہ حسنین گردیزی، سجاد نقوی، علامہ شبیر بخاری، علامہ حسین نجفی، علامہ توقیر عباس، امجد کاظمی ایڈووکیٹ، کرنل عارف، سینئر رہنما نثار ترمذی، علامہ ظہیر الحسن کربلائی اور مرکزی صدر عارف حسین الجانی سمیت درجنوں سابقین شریک ہوئے۔ مرکزی صدر عارف حسین الجانی نے اپنے خصوصی خطاب میں کہا کہ استعمار دشمنی کا علم اور اسلام کی سربلندی کا پرچم جو شہید نقوی نے بلند کیا، ہم وارثین شہید ہونے کے ناطے پرچم کو سرنگوں نہیں ہونے دیں گے۔