اسلام ٹائمز 2 Aug 2022 گھنٹہ 16:43 https://www.islamtimes.org/ur/news/1007245/ہیلی-کاپٹر-حادثہ-میں-6-فوجی-افسران-شہید-ہوگئے-ہیں-آئی-ایس-پی-آر -------------------------------------------------- ٹائٹل : ہیلی کاپٹر حادثہ میں 6 فوجی افسران شہید ہوگئے ہیں، آئی ایس پی آر -------------------------------------------------- سماجی رابطہ کی ویب سائٹ ٹویٹر پر آئی ایس پی آر نے لاپتہ ہونیوالے فوجی ہیلی کاپٹر کے حادثہ کی تصدیق کر دی ہے۔ آئی ایس پی آر کے مطابق جنرل سرفراز سمیت 6 افسران شہید ہوگئے ہیں۔ متن : ‏اسلام ٹائمز۔ پاک فوج کے شعبہ تعلقات عامہ (آئی ایس پی آر) نے گذشتہ روز لاپتہ ہونے والے فوجی ایوی ایشن ہیلی کاپٹر کے ساتھ حادثہ میں کور کمانڈر کوئٹہ اور دیگر افسران کی شہادت کی تصدیق کر دی ہے۔ سماجی رابطہ کی ویب سائٹ ٹویٹر پر آئی ایس پی آر نے کہا کہ سیلابی ریلیف آپریشن کیلئے جانے والے فوجی ہیلی کاپٹر کا ملبہ لسبیلہ میں ونڈر کے علاقہ موسیٰ گوٹھ سے ملا ہے۔ آئی ایس پی آر نے سابق ڈی جی ایم آئی اور کور کمانڈر کوئٹہ جنرل سرفراز علی سمیت دیگر افسران کی شہادت کی تصدیق کرتے ہوئے کہا کہ مبینہ 6 افسران شہادت نوش کرچکے ہیں۔ آئی ایس پی آر نے کہا کہ ابتدائی رپورٹس کے مطابق لسبیلہ میں موسم کی صورتحال کی وجہ سے یہ حادثہ پیش آیا ہے۔ اس حادثہ کے نتیجے میں کمانڈر 12 اور سابق ڈی جی ایم آئی لیفٹیننٹ جنرل سرفراز علی، DG PCG بریگیڈیئر امجد، CC Engr 12 corps  بریگیڈیئر خالد، پائیلٹس میجر سعید، میجر طلحہ اور نائیک مدثر شہید ہوئے ہیں۔