اسلام ٹائمز 31 May 2017 گھنٹہ 21:44 https://www.islamtimes.org/ur/gallery/642231/1/ڈی-ا-ئی-خان-پولیس-ایکسیس-سروس-کا-افتتاح -------------------------------------------------- ٹائٹل : ڈی آئی خان، پولیس ایکسیس سروس کا افتتاح -------------------------------------------------- آر پی او ڈی آئی خان نے پولیس ایکسیس سروس (پاس) کے نئے نظام یعنی عام آدمی کی پولیس تک آسان رسائی کا افتتاح کر دیا ہے، اس حوالے سے منعقدہ تقریب سے خطاب میں انہوں نے کہا کہ عوام اپنے مسائل کے حل کیلئے تحریری درخواستوں اور دفاتر کے چکر نہیں لگائینگے، بلکہ نئے نظام کے تحت ڈی آئی جی اور انسپکٹر جنرل آف پولیس تمام وصول شدہ شکایات کی خود نگرانی کرینگے۔ متن : اسلام ٹائمز۔ ریجنل پولیس آفیسر سید فدا حسن شاہ نے ڈیرہ اسماعیل خان ڈویژن میں پولیس ایکسیس سروس (پاس) کے نئے نظام یعنی عام آدمی کی پولیس تک آسان رسائی کا افتتاح کر دیا۔ اس سلسلے میں ایک تقریب کا انعقاد کیا گیا جس میں آر پی او سید فدا حسن شاہ نے معززین علاقہ، منتخب نمائندوں، سیاسی و مذہبی شخصیات اور الیکٹرانک و پرنٹ میڈیا کے نمائندوں کی موجودگی میں افتتاحی تختی کی نقاب کشائی کی۔ انہوں نے اس تقریب میں موجود شرکاء کو پاس کے نئے نظام کے حوالے سے دفتر میں موجود سہولیات کے بارے تفصیلات سے آگاہ کیا۔ اس موقع پر ضلع ناظم عزیز اللہ خان علیزئی، ڈی پی او راجہ عبد الصبور خان سمیت بڑی تعداد میں لوگ موجود تھے۔ تقریب سے خطاب کرتے ہوئے آر پی او سید فدا حسن شاہ نے کہا کہ خیبر پختونخواہ پولیس عوام دوست پولیس ہے، بد قسمتی سے کچھ عرصہ سے دہشت گردی کے واقعات کی وجہ سے مجبوراً بیرئیرز سمیت دیگر رکاؤٹیں پولیس عمارات کے ارد گرد بنائی گئی جس کی وجہ سے بعض شہریوں کا پولیس سے رابطہ آسان نہیں رہا۔