اسلام ٹائمز 1 Dec 2022 گھنٹہ 8:25 https://www.islamtimes.org/ur/gallery/1027354/1/مجلس-علماء-امامیہ-کا-قومی-مسائل-راہ-حل-اور-حکمت-عملی-پر-سیمینار -------------------------------------------------- ٹائٹل : مجلس علماء امامیہ کا قومی مسائل، راہ حل اور حکمت عملی پر سیمینار -------------------------------------------------- مجلس علماء امامیہ کا ضلع بارہمولہ میں قومی مسائل، راہ حل اور حکمت عملی پر ایک روزہ سیمینار میں ماہرین نے قوم کے مسائل و مشکلات اور انکے حل کے طریقہ کار پر سیر حاصل گفتگو کی۔ متن : اسلام ٹائمز۔ مجلس علماء امامیہ جموں و کشمیر نے ’’قومی مسائل، راہ حل اور حکمت عملی‘‘ کے عنوان پر میرگنڈ پٹن ضلع بارہمولہ میں اپنی نوعیت کے منفرد سیمینار کا انعقاد کیا۔ جس میں قوم  کے مختلف علماء، دانشوروں، صاحبان قلم، ماہرین تعلیم و سماج، اہلِ فکر اور طالب علموں نے مختلف قومی مسائل پر اپنے مقالات پڑھے۔ ماہرین نے قوم کے مسائل و مشکلات اور ان کے حل کے طریقہ کار پر سیر حاصل گفتگو کی اور قوم کی بہتری کے لئے نہایت ہی مفید تجاویز و آراء پیش کی۔ سیمینار میں قریب ڈیڑھ سو پڑھے لکھے اور اہل فکر و دانش کے علاوہ مختلف قومی اداروں، تنظیموں کے سربراہان کو مدعو کیا گیا تھا اور میرگنڈ پٹن کے مومنین، جوانوں اور طالب علموں نے تمام شرکاء کی بہترین انداز میں مہمان نوازی کی۔ اس دوران مجلس علماء امامیہ جموں و کشمیر نے تمام دانشور حضرات، علماء کرام، اہل قلم اور باقی شرکاء کے ساتھ ساتھ میرگنڈ پٹن اور علاقے کے جوانوں کا شکریہ ادا کیا۔ مجلس علماء امامیہ نے اعلان کیا کہ مجلس اس طرح کے بیداری اور آگاہی بخش پروگراموں کا سلسلہ جاری رکھے گی تاکہ قوم کی ہر ایک اکائی کے تعاون سے قوم کے  مسائل حل کرنے کی سمت میں آگے بڑھا جاسکے۔