اسلام ٹائمز 28 Apr 2021 گھنٹہ 18:28 https://www.islamtimes.org/ur/news/929703/نصاب-میں-تبدیلی-کی-سازش-تحقیقات-جائیں-ابوالخیر-محمد-زبیر -------------------------------------------------- ٹائٹل : نصاب میں تبدیلی کی سازش کی تحقیقات کی جائیں، ابوالخیر محمد زبیر -------------------------------------------------- جے یو پی کے مرکزی صدر کا کہنا تھا کہ پاکستان کے اسلامی تشخص کو مٹانے اور عوام کو مشتعل کرکے ملک کے امن کو تباہ کرنے کی کوشش کی گئی پاکستان جو اسلام کے نام پر بنا تھا اس میں ایک رکنی اقلیتی کمیشن کو اس قسم کے اقدام کی کیسے جرات ہوئی، حکمرانوں کو اس کا فوری نوٹس لینا چاہئے۔ متن : اسلام ٹائمز۔ جمعیت علماء پاکستان و ملی یکجہتی کونسل کے صدر ڈاکٹر صاحبزادہ ابوالخیر محمد زبیر نے شہریوں کے وفد سے گفتگو کرتے ہوئے کہا ہے کہ نصابی کتب سے ختم نبوت اور اسلامی مضامین نکالنے کی درخواست ملک کیخلاف ایک بہت بڑی سازش ہے، جس میں پاکستان کے اسلامی تشخص کو مٹانے اور عوام کو مشتعل کرکے ملک کے امن کو تباہ کرنے کی کوشش کی گئی پاکستان جو اسلام کے نام پر بنا تھا اس میں ایک رکنی اقلیتی کمیشن کو اس قسم کے اقدام کی کیسے جرات ہوئی، حکمرانوں کو اس کا فوری نوٹس لینا چاہئے اور اس کے پس پردہ جو عناصر ہیں ان کو بے نقاب کرکے ان کیخلاف فوری کارروائی کرنی چاہئے۔ ابوالخیر محمد زبیر کا کہنا تھا کہاگر حکمراں خود اس سازش میں ملوث ہیں تو پوری قوم سپریم کورٹ سے اپیل کرتی ہے کہ اقلیتی کمیشن کی طرف سے دی گئی اس درخواست کو وہ نہ صرف فوری رد کر دے بلکہ اسلام اور آئین پاکستان کیخلاف درخواست دینے پر ایک رکنی اقلیتی کمیشن کیخلاف کارروائی کرے اور تحقیقات کا حکم دے کہ کہاں کہاں سے بیرونی فنڈنگ پر پاکستان میں نصاب کی تبدیلی کی کوششیں کی جا رہی ہیں۔