0
Tuesday 5 Nov 2019 05:46

آخری مجلس

آخری مجلس
تحریر: بنت الہدیٰ
 
کل آخری مجلس تھی اور ماتم کے ساتھ الوداع کی گونجتی ہوئی ہر صدا مجھ سے یہی کہ رہی تھی۔۔۔۔
*الوداع اے حسین (ع) یعنی۔۔۔۔۔ مقاومت الوداع*
الوداع یاحسین (ع)۔۔۔۔۔۔۔ میں اب وداع چاہتی ہوںو امام بس دو مہینے 8 دن بہت تھے آپکا ساتھ دینے کے لئےو اب میں تھک چکی ہوںو مجھے اجازت دیجئے زندگی رہی تو اگلے برس پھر دو مہینے 8 دن آپکے نام کر دینگے۔۔۔۔ لیکن معذرت پورا سال یا تمام عمر آپکو لبیک نہیں کہہ سکتے۔۔۔۔ کبھی کوئی سانحہ ہوا۔۔۔۔ کوئی حادثہ پیش آیا اور آپکی ضرورت پیش آئی تو چند ایک روز کے لئے پھر آپکا شعار دہرا لینگے۔۔۔۔ لیکن تاحیات آپکو لبیک نہیں کہہ سکتے۔۔۔۔ اجازت دیجئے۔۔۔۔۔
 
*الوداع اے زینب (س) یعنی ۔۔۔۔۔۔۔ الوداع نصرت امام*
الوداع یا زینب (س)۔۔۔۔۔۔۔۔ مجھے اجازت دیجئے، اس سے زیادہ امام وقت کا ساتھ نہیں دے سکتی۔۔۔۔ اسوہ زینبی فقط دو مہینے 8 دن کے لئے تھا، اب مجھے وہی اپنی پرانی روٹین لائف میں واپس جانا ہوگا۔۔۔ ایام عزا تک آپ کی چادر کی پاسداری بخوبی کی، باحجاب مجالس عزا میں شریک رہی، مگر اب اور نہیں۔۔۔ کہ اب غموں کا موسم الوداع چاہتا ہے، فرش عزا کے ساتھ اپنی چادروں کو بھی تہ کرکے الماری میں رکھنا ہے کہ آنیوالے خوشی کے ایام میں یہ سیاہ چادریں کس کام کی۔۔۔
آخری گریہ و ماتم کے ساتھ اپنے عزاداروں کو اجازت دیجئے۔۔۔۔
زندگی رہی تو پھر آپ کے بھائی کو لبیک کہنے آجائینگے۔۔۔۔
 
یہ تھی آخری مجلس۔۔۔۔۔
پھر ہم اور حسین ع جدا ہو جائیگے۔۔  
لیکن!!
*کیا امام حسین (ع) سے رخصت لینا آسان یے؟؟*
نہ تو عصر عاشور رخصتئ ابا عبد اللہ آسان تھی۔۔۔
اور نہ ہی امام حسین (ع) کے روضے سے خود کو جدا کرنا آسان ہوتا ہے۔۔۔
تو پھر کس قدر راحت و آسانی سے ہم کہدیتے ہے۔۔
الوداع اے حسین (ع)۔۔۔۔
شاید ہم یہ سمجھ ہی نہیں پائے کہ
*لبیک یاحسین (ع) ہی لبیک یا امام زمان (ع) ہے۔۔۔*
اور *الوداع یاحسین (ع)۔۔۔۔۔۔الوداع یا امام (ع)۔۔۔!!*
خبر کا کوڈ : 825664
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش