اسلام ٹائمز - در محضر سعدی۔۔۔۔(03)

اسلام ٹائمز: دو قسم کے افراد ایسے ہیں کہ جن کی سعی بے فائدہ اور زحمت و مشقت لا حاصل ہے۔ ایک وہ کہ جس نے مال تو جمع کیا مگر خرچ نہ کیا اور دوسرا وہ کہ جس نے علم تو پڑھا مگر عمل نہ کیا۔

تحریر: ساجد علی گوندل
Sajidaligondal55@gmail.com

دو کس رنج بیھودہ بردند و سعی بی فایدہ کردند۔۔۔۔۔۔۔ یکی آن کہ اندوخت و نخورد و دیگر آن کہ آموخت و نکرد۔[1]
کئی گھنٹوں سے چوک میں کھڑا، مسلسل یہی دیکھ رہا تھا کہ آخر یہاں ہو کیا رہا ہے۔۔۔۔ پلک چھپکتے ہی ایک نیا منظر سامنے آجاتا۔۔۔۔۔ زیادہ حیران نہیں تھا، کیونکہ یہ میرا روز کا معمول تھا کہ یہاں سے گزرتے ہوئے کئی کئی لمحوں تک مختلف مناظر کا مطالعہ کرتا۔۔۔۔ مگر آج تو کئی گھنٹے گزر گئے۔۔۔۔ پاوں میں جنبش تک نہ آئی۔۔۔۔۔ چاچا ایک کلو سیب دینا۔۔۔ یہ کیا۔۔۔ بھائی 60 نہیں 70 روپے ہوئے۔۔۔۔ رکھ لیں چاچا کافی ہیں۔۔۔۔ نہیں۔۔ نہیں میاں۔۔۔ اگر ایسا ہی چلتا رہا تو پھر ہم کیا کھائیں گے۔۔۔۔ میاں ہمیں اس میں سے دو، چار روپے ہی بچتے ہیں۔۔۔ وہ بھی آپ لے جائیں گے تو ہمیں تو کچھ حاصل نہ ہوا۔۔۔۔ چاروں طرف اسی طرح کے سینکڑوں منظر کہ جن میں بڑی بڑی مارکیٹوں سے لے کر سڑک کے کنارے بیٹھے دس سے گیارہ سالہ جوتے پالش کرنے والے بچے تک سب کا مطالبہ یہی تھا کہ ان کو منافع حاصل ہو۔۔۔ جبکہ طرف مقابل بھی جنس کی خرید کے ساتھ ساتھ حتی الامکان رِبع کی عرض میں نظر آیا۔۔۔

اس کے برعکس۔۔۔ اُلجے ہوئے بال۔۔۔ میلے و پھٹے پرانے کپڑے۔۔۔ پڑھے ہوئے ناخن۔۔۔ پا برہنہ۔۔۔ عجب سی ہنسی۔۔۔ چلتے ہوئے کبھی دائیں سمت لڑکتا ہے تو کبھی بائیں جانب۔۔۔۔ میرے سامنے سے گزرتا ہوا دکان پر پہنچتا ہے تو پچاس کے نوٹ کے عوض بس ایک ٹافی لیتے ہوئے، خوشحال انداز میں وہاں سے باہر آتے ہی، آبادی سے باہر جانے والی روڈ کی طرف لپکتے ہوئے، آنکھوں سے اوجھل ہو جاتا ہے۔۔۔ یہ دیکھ کر ایک بات تو سمجھ آگئی کہ وہ باقی سب سے الگ ہے۔۔۔۔ مگر اس نے ایسا معاملہ کیوں کیا، جبکہ ایک نابالغ بچہ بھی اپنے حق میں ایسی تجارت کرنے کو تیار نہیں۔۔۔۔ تَپ۔۔۔۔۔میرے کندھے پر کسی کے ہاتھ لگنے کی آواز تھی۔۔۔۔۔ چونک کر پیچھے دیکھا۔۔۔۔ علی تم۔۔۔۔ مجھے تو ڈرا ہی دیا تھا۔۔۔۔ میں کب سے تمہیں دیکھ رہا ہوں کہ ٹک ٹکی باندھے، اس دکان کی طرف دیکھے جا رہے ہو۔۔۔ خیر تو ہے نا۔۔۔۔ پریشان لگتے ہو۔۔۔ نہیں، نہیں۔۔۔وہ۔۔۔ روڈ کی طرف اشارہ کرتے ہوئے۔۔۔ ارے وہ۔۔۔۔ وہ تو پاگل ہے۔۔۔ اکثر آتا رہتا ہے یہاں۔۔۔ اور ایک پاگل و ناداں کو کیا خبر کہ کونسی چیز کیسے خریدنی ہے۔۔۔۔ مطلب وہ اپنی پریشان عقل کے سبب اپنا نقصان کرتا ہے۔۔۔۔۔؟

علی۔۔۔۔ تو اور کیا۔۔۔۔ اس میں سوچنے والی کیا بات ہے۔۔۔۔ اگر وہ بھی عام لوگوں کی طرح عقل سلیم کا مالک ہوتا تو ہرگز اپنے حق میں ایسی نادانی نہ کرتا۔۔۔۔ میں۔۔ مگر وہ خوش۔۔۔۔ علی۔۔۔ تم بھی نا۔۔۔۔ خوشی اس کی ناداں و مجنونی حالت سے اس کی بےخبری کا پتہ دیتی ہے۔
میں۔۔۔۔ تو کیا ہمیشہ ایسے میلے کچیلے، پریشان صورت لوگ ہی اپنے حق میں ظلم کرتے ہیں۔۔۔۔؟
علی۔۔۔۔ نہیں ہرگز ایسا نہیں ہے۔۔۔۔۔
میں۔۔۔۔۔ تو پھر۔۔۔۔۔
علی۔۔۔۔ تم پہلے یہاں سے چلو ، لائبریری چلتے ہیں۔۔۔۔۔ راستے میں باتیں ہوں گی۔۔۔۔چلتے چلتے ۔۔۔۔ دیکھو نادان لوگوں کی دو قسمیں ہیں۔
میں۔۔۔ وہ کیسے۔۔۔۔؟
علی۔۔۔۔۔ سنو۔۔۔ ایک وہ جو ہمیں ظاہری وضع و قطع میں ایسے نظر آتے ہیں ۔۔۔۔۔ اور دوسرے وہ کہ جو ہمیں نظر نہیں آتے۔
میں۔۔۔۔ نظر نہیں آتے۔۔۔ مطلب۔۔۔۔۔؟

علی ۔۔۔۔۔ مطلب یہ کہ ہوسکتا ہے کہ وہ آپ اور میری شکل میں ظاہراً ۔۔۔ حکیم و دانشور ہوں، مگر حقیقت میں ناداں۔
میں۔۔۔۔ یہ کیسے ہوسکتا ہے۔۔۔۔۔؟
علی۔۔۔۔۔ آپ ہی بتاو۔۔۔۔ اگر کسی کو پتہ ہو کہ اس کی سارے دن کی محنت و مزدوری کا اسے کچھ فایدہ نہیں ہوگا اور اس کے باوجود وہ کام کرے ۔۔۔۔ تو تم اسے کیا کہو گے ۔۔۔۔؟ وہ عقلمند و داناں ہے۔۔۔؟
میں۔۔۔۔ نہیں، بالکل نہیں۔۔۔۔
علی۔۔۔۔۔ بس ہمارے معاشرے میں بھی ایسے بہت سارے افراد ہیں کہ جن کو ان کی کی گئی سعی و کوشش و مشقت کوئی فائدہ نہیں پہنچاتی۔۔۔ اور وہ بھی بالکل اسی مست و ناداں کی طرح اپنی نادانی سے غافل ہوتے ہیں۔۔۔۔۔ اور کیا تمہیں شیخ سعدی کا وہ قول یاد نہیں کہ جس میں اس نے معاشرے کے ایسے ہی غافل افراد کی طرف اشارہ کیا ہے۔۔۔۔؟

کہا ۔۔۔۔ دو کس رنج بیھودہ بردند و سعی بی فایدہ کردند۔۔۔۔۔۔۔ کہ دو قسم کے افراد ایسے ہیں کہ جن کو سوائے ان کی محنت و مشقت کے کچھ حاصل نہ ہوا۔۔۔۔ ایک عالم بے عمل۔۔۔۔ دوسرا ثروتمند ِتنگ دست۔ اور بقول امیر المومنین ؑ ۔۔۔۔ ’’علم لا یُصلحک ضلال و مال لا یَنفعک وبال"[2] کہ۔۔۔ علم بدون ِ اصلاح، گمراہی اور مال و دولت بغیرِ انفاق، موجب ہلاکت و بدبختی ہے اور درحقیقت یہ وہ بے بصیرت لوگ ہیں کہ جن کو اس راستے پر چلنا ہی، ان کو اپنی منزل سے دور لے جاتا ہے۔ ’’لا تُزیدُہ سُرعۃ السیر من الطریق الا بُعداً"[3] یعنی یہ اس مسیر پر جتنے قدم تیزی سے آگے نکلتے ہیں، اتنے ہی قدم اپنی منزل و مقصود سے دور ہوتے چلے جاتے ہیں اور صرف دور ہی نہیں بلکہ ان کا یہ انحرافی سمت چلنا بالآخر ان کی ہلاکت کا سبب بن جاتا ہے ۔۔۔۔ اور بقول حکیم الامت ۔۔۔’’رُب عالم قد قتلہ جھلہ، و عِلمہ معہ لا ینفعہ"[4] ۔۔۔کہ۔۔۔ کتنے ہی عالم ایسے ہیں کہ جن کو ان کی نادانی و جہل نے ہلاک کر دیا اور ان کی اکٹھی کی ہوئی معلومات نے انہیں کچھ نفع نہ پہنچایا۔

جبکہ شیخ سعدی نے اس مطلب کو کچھ یوں بیان کیا ہے۔۔۔۔۔۔
علم چندان کہ بیشتر خوانی
چون عمل در تو نیست نادانی
اگرچہ تم معلومات کا سمندر اکٹھا کرلو۔۔۔۔ عامل نہیں ہو تو۔۔۔۔ یاد رکھو۔۔۔ اسی اندازے کے مطابق نادان و جاہل ہو۔۔۔ یعنی بدونِ عمل درحقیقت تمہارا علم تمہاری جہالت میں اضافے کا سبب ہے اور کہا کہ۔۔۔۔۔۔۔۔
نہ محقق بود نہ دانشمند
چارپایی بہ او کتابی چند
حیوان پر چند کتابیں رکھ دینے سے وہ محقق یا دانشمند نہیں ہو جاتا۔
پھر یوں بیان کیا کہ ۔۔۔۔
آن تُھی مغز را چہ علم و خبر
کہ بر او ھیزم است یا دفتر
حیوانی مغز کو کیا خبر کہ اس کی پشت پر کتابیں ہیں یا لکڑیاں۔۔۔۔ یعنی فھم و شعور کے معاملے میں حیوانی صفوف میں کھڑے انسان کو کیا خبر کہ اس کے کندھوں پر کون سا بار ِامانت ہے۔۔۔ کہ جسے قرآن نے اپنے لہجے میں ۔۔۔ ’’مثل الحمار یحمل اسفاراً"[5] کی صفت سے یاد کیا ہے۔
یہ وہ شخص ہے کہ جو خزانے کے ڈھیر پر سوتے ہوئے، بھوکا ہے۔۔۔۔ جو اسلح ہوتے ہوئے، اپنا دفاع نہیں پا رہا اور گویا دریا کے کنارے پیاسہ کھڑا ہے۔