اب تو غیبت سے پردہ ہٹا دیجئے

از قلمِ سیدہ ایمن نقوی

دل کی حسرت کا ساماں بنا دیجئے
آئے ہیں خستہ تن آپ کے در پہ مولا
ہمیں اپنی چوکھٹ دکھا دیجئے
خاک پا کی زیارت کرا دیجئے
اسی مٹی کو سرمہ بنا دیجئے
اب تو غیبت سے پردہ ہٹا دیجئے
٭٭٭٭٭٭٭٭٭٭

میرے مولا پشیماں ہوں نادم بہت
ہوں گنہکار اور رو سیاہ ہوں بہت
کیجئے میری بخشش کا کوئی سبب
مجھ کو در پہ ذرا سی جگہ دیجئے
رخ انور کا جلوہ دکھا دیجئے
اب تو غیبت سے پردہ ہٹا دیجئے
٭٭٭٭٭٭٭٭٭٭

سامرا ہو نجف ہو یا ہو کربلا
کوفہ، مشھد و قم ہو یا ہو جمکراں
شام ہو یا ہو بیت المقدس امام (عج)
کعبۃ اللہ ہو یا ہو کوئی بھی مقام
سیدہ کو زیارت کرا دیجئے
اب تو غیبت سے پردہ ہٹا دیجئے
٭٭٭٭٭٭٭٭٭٭