واقعہ کربلا کے دو متضاد رخ

تحریر: جاوید عباس رضوی

کربلا کا معرکہ اپنے آپ میں ایک مکمل تاریخ و تحریک ہے، کربلا کے دو متضاد رخ ہیں جو دور حاضر میں بھی دیکھنے کو ملتے ہیں، کربلا میں ایک طرف حرکت، مشن، تحریک انقلاب، بیداری و سربلندی تھی تو دوسری طرف سکوت، ٹھہراو، ضد اسلام و انقلاب، جمود، ننگ و عار تھی، امام حسین (ع) کا قیام تحفظ نسواں، شعور جوانان، عزت بزرگان کے لئے کال تھی، تو دوسری طرف مال و دولت، شراب و شہوت اور ظاہری توانگری کے لئے جنگ و جدل تھا، ایک طرف تحفظ دین، حق گوئی، آزادی، حق خودارادیت کے لئے قربانیاں تو دوسری طرف ذاتی منفعت، باطل و شرک، شراب نوشی اور خرافات کے لئے من مانیاں تھیں، ایک طرف عفت، جلالت، ولایت عدالت اور عصمت تھی تو دوسری طرف خباثت، نحوست، ظلمت و منافقت اور جنگیزیت تھی، ان دونوں پہلوں کو ہم کالم کی شکل میں پیش کرتے ہیں۔

 ایک طرف چہرہ روشن و تابناک                                                     تو دوسری طرف چہرہ سیاہ و تاریک تر
صبر و تحمل و استقامت                                                              جبر و جہل و خباثت 
عز و شرف و ثبات                                                                      خوف و ہراس و فسادات 
رواداری و عشق الہیٰ                                                                 مکر و فریب و فن خواجگی       
قدرت کی طرف سے حلم و اطمینان نفس                                       حکومت کی طرف سے خوف و ہراس و بدامنی 
بردباری اور مکتب مصلح سازی                                                      شیطانی وسوسہ، طمع و حرص 
درس آزادی و کشادہ دلی                                                             پستی، بزدلی و لاشعوری 
ایمان کامل بہ قیامت                                                                    گمراہی و جہالت 
حماسہ و ایثار و استعداد                                                              ظلم و ستم و استبداد 
داستان مظہر آدمیت و غیرت                                                          داستان مظہر وحشت و ذلت 
داستان قیام مقدس                                                                     داستان فاجعہ
طاقت روحانی                                                                             نسل شیطانی
داستان روشن و تابناک                                                        داستان تاریک و وحشتناک                                  
نظام الہی کے لئے قیام و تحفظ                                                     امور شیطانی کے لئے ظلم و جبر 
شجاعت و شریعت و حریت                                                           دہشت و بادشاہت و اجلت 
جوش و جلال ایمانی                                                                    وہم و وسوسہ طاغوتی 
روحانی فقر و لاہوت                                                                     مادی جبر و جبروت 
جاہ و جلال ایمانی                                                                      ساز و سامان سلطانی 
غلط تصور اسلام پر رد بیعت                                                           تخت و تاج کے لئے مطالبہ بیعت 
آیات قرآنی کے مجسمے                                                               دہشت گردی کے مشٹنڈے 
عدل و انصاف کی حکومت کے متمنی                                               مادی دنیا کے پجاری 
زندہ جاوید و روح کائنات                                                                   نیست و نابود و ناپائیدار