گلگت، کسانوں کو گندم کا بیج فراہم کرنے کے منصوبے کا افتتاح

اسلام ٹائمز۔ گلگت بلتستان کو خوراک کی پیداوار میں خود انحصار بنانے کے بڑے منصوبے کا آغاز ہوگیا۔ تفصیلات کے مطابق وزیراعلیٰ نے خصوصی اقدام کے تحت  کسانوں میں بہتر قسم کی گندم کی بیج فراہمی کے منصوبے کا آغاز کر دیا۔ وزیراعلیٰ کے خصوصی زرعی اصلاحاتی اقدام کے تحت جی بی کے کسانوں میں 200 میٹرک ٹن بہتر قسم کا گندم بیج تقسیم کیا جائیگا۔ خالد خورشید نے محکمہ زراعت کے زیر اہتمام گندم کی سرمائی کاشت کی مہم کے حوالے سے اوشکھنداس گلگت میں منعقدہ تقریب میں شرکت کی اور کسانوں میں بیج تقسیم کیا۔ وزیراعلیٰ گلگت بلتستان نے تقریب سے خطاب کرتے ہوئے کہا کہ گلگت کے مضافات کے عوام میں زراعت کے حوالے سے دلچسپی لینا خوش آئند ہے۔