اسلام ٹائمز - لاہور، بین المذاہب ہم آہنگی کانفرنس

فلیٹیز ہوٹل لاہور میں منعقدہ بین المذاہب ہم آہنگی کانفرنس سے خطاب میں مقررین نے امریکی رپورٹ کو بے بنیاد قرار دیتے ہوئے کہا کہ ہم انڈیا میں غیر محفوظ اور پاکستان میں مکمل محفوظ ہیں، لیکن امریکہ نے جانبداری کا مظاہرہ کرتے ہوئے بھارت کو اس فہرست سے نکال کر خیانت کی ہے۔

اسلام ٹائمز۔ وزارت مذہبی امور و بین المذاہب ہم آہنگی کے زیراہتمام لاہور کے فلیٹیز ہوٹل میں "بین المذاہب ہم آہنگی کانفرنس" منعقد ہوئی۔ کانفرنس کا عنوان "بین المذاہب ہم آہنگی اور عصر حاضر کے تقاضے رکھا گیا تھا۔ کانفرنس سے مولانا اشرف علی خان، پنڈت بھگت لال، ڈاکٹر میمپال سنگھ، علامہ ڈاکٹر محمد حسین اکبر، ڈاکٹر فرامر روشنی، علامہ عبدالرشید حجازی، ڈاکٹر لیاقت مسیح، پروفیسر ظفراللہ شفیق، مولانا عبدالخبیر آزاد، علامہ محمد افضل حیدری، علامہ باقر گھلو، علامہ سبطین اکبر، علامہ رشید ترابی، سینیٹر کامران مائیکل، مفتی عبدالشکور اور مولانا عرفان قمی سمیت دیگر نے خطاب کیا۔