اسلام ٹائمز - ایم ڈبلیو ایم کے تحت کراچی میں دعائیہ تقریب

امام مہدی علیہ السلام کے یوم ولادت کے موقع پر دعائیہ اجتماع سے خطاب میں مقررین نے کہا کہ رہبر معظم آیت اللہ العظمیٰ سید علی خامنہ ای، آیت اللہ سیستانی اور دیگر مراجعین عظام کی سربراہی میں یہ نظام آگے بڑھتا جارہا ہے اور ظالم و جابر قوتوں کو کمزور کرکے اہل حق کو طاقتور بنانے کا فریضہ انجام دے رہا ہے۔

اسلام ٹائمز۔ اجتماعی دعائے توسل اور امام مہدی علیہ السلام کے یوم ولادت باسعادت پر سالانہ دعائے کمیل محفل شاہ خراسان روڈ پر منعقد ہوئی، جس میں تلاوت دعائے توسل کی سعادت آغا ثقلین عباس زکزکی نے اور دعائے کمیل کی تلاوت مولانا نعیم الحسن نے کی جبکہ مولانا مختار احمد، جاوید نقوی، نوشاد علی، بوتراب اسکاؤٹ کے محمد ضامن، ناصر حسینی، علی عباس، عامر کاظمی، آغا سجاد، اقبال کاظمی، الخدام اسکاؤٹس کے عباس، انجمن دربتولؑ کے عظیم جاوا اور مومنین و مومنات کی بڑی تعداد نے شرکت کی۔ منقبت امام زمانہ علیہ السلام مرتضی نگری، حسنین عباس نے پیش کیا۔ اس موقع پر مولانا نعیم الحسن، ناصر حسینی، مرتضٰی نگری اور آغا ثقلین عباس زکزکی نے خطاب کرتے ہوئے کہا کہ امام مہدیؑ ہمارے منتظر ہیں کہ ہم کب تیار ہوتے ہیں، امام مہدیؑ مظلومین جہاں کے لئے امید کی کرن ہیں۔