اسلام ٹائمز - لاہور، زونل رویت ہلال کمیٹی کا اجلاس

اجلاس میں پنجاب بھر سے رمضان المبارک کے چاند کی شہادتوں کا انتظار کیا گیا، مگر مطلع ابر آلود ہونے کی وجہ سے کہیں بھی چاند نظر آنے کی اطلاع نہیں ملی۔ سیکرٹری اوقاف ڈاکٹر طاہر رضا بخاری نے کہا کہ لاہور میں چاند کی کوئی شہادت نہیں ملی، چاند کی رویت کا حتمی اعلان مرکزی رویت ہلال کمیٹی کرے گی جس کا اجلاس پشاور میں جاری ہے۔

اسلام ٹائمز۔ زونل رویت ہلال کمیٹی کا رمضان المبارک کا چاند دیکھنے اور چاند کی شہادتیں وصول کرنے کے حوالے سے اجلاس ایوان اوقاف لاہور کی بلڈنگ پر ہوا۔ اجلاس کی صدارت سیکرٹری اوقاف ڈاکٹر طاہر رضا بخاری اور ڈی جی اوقاف آصف علی فرخ نے کی، جبکہ اجلاس میں ممبران رویت ہلال کمیٹی مفتی محمد اسحاق ساقی، علامہ ڈاکٹر محمد حسین اکبر، ڈاکٹر راغب حسین نعیمی، علامہ محمد افضل حیدری، مولانا فتح محمد راشدی، مولانا مختار احمد ندیم، مولانا شفیق پسروری سمیت دیگر علمائے کرام اور محکمہ موسمیات کے نمائندگان نے بھی شرکت کی۔