QR Code

قم المقدس، “اہل منبر، چیلنجز اور ذمہ داریاں” کے موضوع پر سیمینار

7 Nov 2023 23:10

سیمینار سے خطاب کرتے ہوئے نامور عالم دین نے تبلیغ کی اہمیت، مواقع اور مبلغین کی ذمہ داریوں پر روشنی ڈالی۔ انہوں نے کہا کہ مبلغین کو عقائد کے حوالے سے زیادہ کام کرنے کی ضرورت ہے۔

اسلام ٹائمز۔ شعبہ مبلغین کے زیراہتمام “اہل منبر، چیلنجز اور ذمہ داریاں” کے موضوع پر حسینیہ بلتستانیہ میں ہونے والے سیمینار سے علامہ شہنشاہ نقوی نے خطاب کیا۔ جامعہ روحانیت بلتستان کے شعبہ مبلغین کے تحت حسنیہ بلتستانیہ میں “اہل منبر، چیلنجز اور ذمہ داریاں” کے عنوان سے سیمنار منعقد ہوا۔ سیمنار میں حوزہ علمیہ قم کے علماء اور طلباء کی کثیر تعداد نے شرکت کی۔ سیمینار سے خطاب کرتے ہوئے نامور عالم دین علامہ شہنشاہ حسین نقوی نے تبلیغ کی اہمیت، مواقع اور مبلغین کی ذمہ داریوں پر روشنی ڈالی۔ انہوں نے کہا کہ مبلغین کو عقائد کے حوالے سے زیادہ کام کرنے کی ضرورت ہے۔ دوسروں کو اسلامی عقائد سے روشناس کرنے سے پہلے اپنا عقیدہ مضبوط بنیادوں پر استوار کرنا چاہیئے۔ سیمینار کے دوران شرکاء نے تبلیغی امور کے بارے میں مختلف سوالات کئے اور علامہ شہنشاہ نقوی نے جواب دیئے۔

خبر کا کوڈ: 1094071