QR Code

پی ایس 125 کراچی سے پیپلز پارٹی امیدوار ایس ایم نقی کی گھر گھر انتخابی مہم

1 Feb 2024 20:34

میڈیا ذرائع کو ایس ایم نقی نے بتایا کہ ہر جگہ اچھا رسپانس دیا جا رہا ہے اور لوگ بہت خوشی کے ساتھ استقبال کر رہے ہیں، ہم نے گھر گھر اپنا پیغام پہنچایا ہے، ہمارے حوصلے بلند ہیں اور امید ہے کہ 8 فروری کو عوام پی ایس 125 میں تیر پر مہر لگاکر مجھ پر اپنے اعتماد کا اظہار کرے گی۔

اسلام ٹائمز۔ پاکستان میں عام انتخابات 2024ء کیلئے سیاسی جماعتوں کی انتخابی مہم زور و شور سے جاری ہے۔ اپنی مہم میں سیاسی جماعتیں جہاں ایک دوسرے کی کارکردگی پر سوال  اٹھا رہی ہیں وہیں عوام میں اپنا پیغام پہنچانے کیلئے مختلف طریقے آزمائے جارہے ہیں۔ کراچی میں سندھ کی صوبائی اسمبلی کے حلقہ پی ایس 125 میں پاکستان پیپلز پارٹی کے امیدوار ایس ایم نقی اپنی انتخابی مہم کے لئے گھر گھر جا رہے ہیں اور عوام سے ووٹ دینے کی اپیل کررہے ہیں۔ میڈیا ذرائع کو ایس ایم نقی نے بتایا کہ ہر جگہ انہیں اچھا رسپانس دیا جا رہا ہے اور لوگ بہت خوشی کے ساتھ ان کا استقبال کر رہے ہیں، ہم نے گھر گھر اپنا پیغام پہنچایا ہے، ہمارے حوصلے بلند ہیں اور امید ہے کہ 8 فروری کو عوام پی ایس 125 میں تیر پر مہر لگاکر مجھ پر اپنے اعتماد کا اظہار کرے گی۔

خبر کا کوڈ: 1113212