اسلام ٹائمز - ایران کی ثقافتی نمائش

اسلام ٹائمز: ثقافتی قونصلیٹ جمہوری اسلامی ایران اسلام آباد کی جانب سے منعقدہ نمائش کی افتتاحی تقریب میں وفاقی وزیر اطلاعات و نشریات فردوس عاشق اعوان مہمان خصوصی تھیں۔

اسلام ٹائمز۔ انقلاب اسلامی ایران کی پرشکوہ کامیابی کی 33 ویں سالگرہ اور ہفتہ وحدت کی مناسبت سے ثقافتی قونصلیٹ جمہوری اسلامی ایران، اسلام آباد کی جانب سے ایک نمائش بعنوان "جمہوری اسلامی ایران کی ثقافتی نمائش" کا انعقاد کیا گیا۔ اس نمائش کی تقریبات میں فنون لطیفہ، ایرانی دستکاریاں، خوشنویسی، مینی ایچر، مینا کاری، کتب، تصاویر، مصوری، ایران کے اسلامی انقلاب کے ثمرات کی فہرست، ایرانی فیچر فلموں کی نمائش نیز قرآن کریم کی ہمخوانی، تواشیح، نعت رسول مقبول ص اور ایرانی روایتی عارفانہ موسیقی کے ساتھ کلام اقبال رہ بھی شامل ہیں۔ اس ثقافتی نمائش کی افتتاحی تقریب میں فردوس عاشق اعوان مہمان خصوصی تھیں۔