اسلام ٹائمز - عوامی رابطہ مہم

اسلام ٹائمز: عوامی رابطہ مہم کے دوران منعقدہ اجتماعات سے خطاب کرتے ہوئے علامہ ناصر عباس جعفری نے کہا انشاءاللہ قرآن و اہلبیت ع کانفرنس میں لاکھوں فرزندان ملت جعفریہ سماجی اور معاشرتی برائیوں کے خلاف اجتماعی آواز بلند کریں گے۔

اسلام ٹائمز۔ مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے 25 مارچ کو کراچی کے نشتر پارک میں منعقدہ ’’قرآن و اہلبیت ع کانفرنس‘‘ کے سلسلے میں جاری عوامی رابطہ مہم کی مناسبت سے اندرون سندھ کے مختلف شہروں سیہون، خیرپور ناتھن شاہ، شہداد کوٹ، کندھ کوٹ اور دیگر کے دورہ جات کئے۔ اس موقع پر ان کے ہمراہ صوبائی سیکرٹری جنرل مولانا مختار امامی بھی موجود تھے۔ اس موقع پر منعقدہ اجتماعات سے خطاب کرتے ہوئے علامہ ناصر عباس جعفری نے قرآن و اہلبیت ع کانفرنس کے اغراض و مقاصد پر روشنی ڈالتے ہوئے کہا کہ وطن سے غربت، مہنگائی، بے روزگاری، دہشتگردی، لاقانونیت، ٹارگٹ کلنگ، بیرونی مداخلت اور کرپشن کا خاتمہ ہمارا نصب العین ہے اور انشاءاللہ قرآن و اہلبیت ع کانفرنس میں لاکھوں فرزندان ملت جعفریہ ان سماجی اور معاشرتی برائیوں کے خلاف اجتماعی آواز بلند کریں گے۔