اسلام ٹائمز - ایام فاطمیہ

اسلام ٹائمز:انجمن منتظر مہدی کی جانب سے منعقدہ مجالس سے خطاب کرتے ہوئے علامہ راجہ ناصر عباس جعفری نے کہا کہ طاغوت کے مقابلے میں حضرت زہرا س کی ذات اسوہ حسنہ ہے۔

اسلام ٹائمز۔ مجلس وحدت مسلمین پاکستان کے مرکزی سیکرٹری جنرل علامہ ناصر عباس جعفری نے انجمن منتظرِ مہدی ( عج ) کی جانب سے شہید حمید علی بھوجانی ہال، سولجر بازار کراچی میں 3 روزہ مجالس عزاء بسلسلہ شہادتِ دختر رسول ص حضرت بی بی فاطمۃ زہراء سلام اللہ علیہا سے خطاب کیا۔ دوران خطاب مرکزی سیکریٹری جنرل نے کہا کہ ولایت کے دفاع میں حضرت فاطمہ پہلی ذات ہیں جنہوں نے وقت کے امام کی نصرت کے لئے قدم اٹھایا اور ایک ایسی تحریک کی داغ بیل ڈالی جو آج تک جاری ہے۔