اسلام ٹائمز - مردہ باد امریکہ ریلی

اسلام ٹائمز: لاہور پریس کلب کے باہر ریلی سے خطاب میں مقررین نے کہا کہ عالمی ضمیر فلسطینیوں کی آواز کو سنے اور اسرائیل کی ناجائز ریاست کو ختم کر کے فلسطینیوں کے علاقے انہیں واپس کئے جائیں۔

اسلام ٹائمز۔ امامیہ اسٹوڈنٹس آرگنائزیشن کے زیراہتمام لاہور پریس کلب سے امریکی قونصلیٹ تک امریکہ مردہ باد ریلی کا انعقاد کیا گیا۔ ریلی میں خواتین اور بچوں نے بھی شرکت کی۔ ریلی سے آئی ایس او لاہور ڈویژن کے صدر ناصر عباس، مجلس وحدت مسلمین کے رہنما مولانا نیاز حسین بخاری، ناصر عباس شیرازی اور اسد عباس نقوی نے خطاب کیا۔ مقررین کا کہنا تھا کہ عالمی ضمیر فلسطینیوں کی آواز کو سنے اور اسرائیل کی ناجائز ریاست کو ختم کر کے فلسطینیوں کے علاقے انہیں واپس کئے جائیں۔ انہوں نے کہا کہ اسرائیل کو تسلیم کروانا امریکی ایجنڈے کا حصہ ہو سکتا ہے، لیکن عوام اسے کسی صورت تسلیم نہیں کریں گے۔ ریلی کے اختتام پر امریکی اور اسرائیلی پرچم بھی نذرآتش کئے گئے۔