مردہ باد امریکہ ریلی

اسلام ٹائمز۔ امامیہ اسٹوڈنٹس آرگنائزیشن کے زیراہتمام لاہور پریس کلب سے امریکی قونصلیٹ تک امریکہ مردہ باد ریلی کا انعقاد کیا گیا۔ ریلی میں خواتین اور بچوں نے بھی شرکت کی۔ ریلی سے آئی ایس او لاہور ڈویژن کے صدر ناصر عباس، مجلس وحدت مسلمین کے رہنما مولانا نیاز حسین بخاری، ناصر عباس شیرازی اور اسد عباس نقوی نے خطاب کیا۔ مقررین کا کہنا تھا کہ عالمی ضمیر فلسطینیوں کی آواز کو سنے اور اسرائیل کی ناجائز ریاست کو ختم کر کے فلسطینیوں کے علاقے انہیں واپس کئے جائیں۔ انہوں نے کہا کہ اسرائیل کو تسلیم کروانا امریکی ایجنڈے کا حصہ ہو سکتا ہے، لیکن عوام اسے کسی صورت تسلیم نہیں کریں گے۔ ریلی کے اختتام پر امریکی اور اسرائیلی پرچم بھی نذرآتش کئے گئے۔